Aholku Batzorde horren eginkizuna gogoeta egitea eta Pirinioetako Lan Elkarteari aholkuak ematea da, Klimaren Aldaketarako Pirinioen Behatokiaren ekintza bideratzeko.

Lehenengo bilera PYRADAPT 2017 mendi-eremuetako klimaren aldaketari buruzko nazioarteko 2. mahai-inguruaren esparruan egin da, Pirinioetako Lan Elkartearen Osoko Kontseiluaren baitan, azaroaren 8an eta 9an, Miarritzen.

Lehen bilera horretan, behatokiaren jarduerak aurkeztu dira, eta hausnarketak eta iradokizunak jaso dira, behatokiak zientziaren, politika publikoen eta lurraldeko eragileen arteko puntu izaten jarrai dezan, baita Pirinioetan klimaren aldaketari buruzko informazioaren integrazioaren eta harmonizazioaren bermatzaile ere. Jasotako aholkuek Behatokiari klimaren aldaketaren arloko mugaz gaindiko lankidetza-proiektu eta -jarduera berrien diseinuan lan egiten lagunduko diote.

Lurralde guztietako ordezkariek eta Pirinioetako sektore sozioekonomiko nagusiek osatzen dute Aholku Batzordea.