Amurrioko mendi publikoen baso-kudeaketa jasangarria eta funtzio anitzekoa

Hemen zaude

Amurrioko mendi publikoen baso-kudeaketa jasangarria eta funtzio anitzekoa
Gaikako sektoreak: 
Basoak
Arrisku naturalak eta biztanleak
EBko politika sektoreak: 
nekazaritza eta basogintza, bioaniztasuna, arriskuen murrizketa
Ezaugarritze geografikoa - Eskualde biogeografikoa: 
Atlantikoa
Proiektuaren iraupena: 
2006-2016
Egokitzeko ekimenaren tipologia: 
Green edo ekosistema-zerbitzuetan oinarritutakoak
Soft edo neurri ez-estrukturalak
Klimaren eragin mota: 
Urritasun hidrikoa
Lehorteak
Muturreko tenperaturak

Aztertutako kasuaren deskribapena

Amurrioko udalerriaren %58,18 zuhaitzez osatutako azalera da, eta horren %60,65 titulartasun publikokoa da.
Amurrioko baso-kudeaketa jasangarrirako estrategiaren oinarria Amurrioko Mendi Publikoaren Baso-Antolakuntza Plana (854 ha) da, klimaren aldaketaren aurrean basoak duen erresistentzia eta erresilientzia hobetzean oinarritua. Era berean, tokiko bioaniztasuna hobetzea aurreikusten da, lehengoratze ekologikoaren eta bertako landaredia handitzearen ondorioz.
Gaur egun, Plana berrikusten eta ebaluatzen ari da, hamar urtean behin berriztatzeko.

Erronkak: 

Plana baso-kudeaketan oinarritzen da, funtzio anitzeko ikuspegitik, baso-sistemaren erresilientzia hobetzera bideratuta, klimaren aldaketara egokitzeko.

Gainera, proiektua baso-masen kanpoko efektu positiboak sustatzera ere bideratzen da, udal-lurraldea egokitzeko, basoak tokiko mikroklima arautzen laguntzen duela, airearen kalitatea hobetzen duela eta tokiko biztanleei erabilera publikoko espazio erakargarriak ematen dizkiela uste baita, Amurrioko biztanleen osasuna hobetzen lagunduz.

Helburuak: 

Amurrioko Mendi Publikoa Antolatzeko Planaren berariazko helburuak, klimaren aldaketara egokitzeari dagokionez, baso-masen funtzio-aniztasuna indartzea dira, neurri hauen bidez:
- Hainbat erabilera batera gauzatzea sustatzea: hazkunde moteleko basogintza, artzaintza, aisialdia, hezkuntza, aprobetxamendu mikologikoa, kontserbatzailea eta basogintza produktiboa.
- Masa mistoak lehengoratzen laguntzea, espezie autoktonoak dituzten formazioetarantz aurrera egiteko.
- Basoaren bioaniztasuna handitzea, espazio degradatuak berreskuratuz (erriberetako sistemak eta bertan behera utzitako larreak).

Soluzioak: 

Proiektu honetan soluzio hauek inplementatu dira:
- Koniferoekin landatutako azalera %19 (116 ha) gutxitzea.
- Hostozabalen masa %160 handitzea (94 ha).
- Landaredi autoktonoa duen azalera 15 ha inguru handitzea, paisaiaren hainbat lekutan egindako lehengoratze ekologikoari esker.
- Ur-ibilgu guztietan 5 eta 25 metro arteko zabalerako erriberako baso-zerrendak berreskuratzea.
- Hostozabalen bandak landatzea, su-ebaki moduan, monolaborantzako baso-landaketa guztien mugetan.

Egokitzapenaren garrantzia: 

Kasu hori, beste politika batzuen helburuen bidez gauzatu eta inplementatu da batez ere, baina klimaren aldaketara egokitzeari dagokionez kontuan hartzekoa da.

Hitz-gakoak: 
Baso-plangintza
mendi publikoa
Zaharberritze ekologikoa
baso-suteak
erresilientzia
Esku hartzen duten eskualdeak edo/eta hiriak: 
Euskadi
Esku hartzen duten herrialdeak: 
Espainia
Gobernantzaren maila-geografikoa: 
Local
Parte hartzen duten erakundeak: 

Amurrioko Udala, Arabako Foru Aldundia.

Additional Information

Interesa duten eragileen parte-hartzea: 

Egitasmoa Amurrioko Udalak sustatzen du, Arabako Foru Aldundiaren laguntza ekonomikoarekin eta teknikoarekin eta Amurrioko bizilagunen parte-hartzearekin.

Arrakasta-faktoreak eta faktore mugatzaileak: 

Arrakasta: udal-titulartasun publikoko ondare natural garrantzitsua, baliabide natural publikoen kudeaketa eraginkorra eta emankorragoa, naturan erabilera publikoko espazio berriak sortzea, baso-kudeaketa berritzailerako laguntza-lerro espezifikoak.

Mugatzaileak: ekintzak planifikatzeko eta gauzatzeko oztopo ekonomikoak, sute-arriskuak, epe luzeak ekintzen ondorioak ebaluatzeko.

Kostuen eta mozkinen balorazioa: 

Mendi Publikoa Antolatzeko Planaren idazketak 26.000 euroko hasierako inbertsioa ekarri zuen; gainera, urtero 60.000 euro inguru inbertitzen dira mendi publikoan egin beharreko jarduketetan. Bestalde, urtero 25.000€ inguru lortzen dira Arabako Foru Aldundiaren baso-laguntzen planaren bidez kudeatzeko.

Alderdi legalak: 

Proiektua tokiko ekimena da, lurralde-kudeaketako udal-politika gisa jartzen dena eta Arabako Foru Aldundiaren baso-laguntzetarako planak babesten duena.

Erreferentziazko informazioa: 

2006-2016 (10 urte - amaituta, berrikusten)

Geoatarira sartu

 

 

 

 

Sartu

KLIMAREN ALDAKETAREN PIRINIOETAKO BEHATOKIA

Avenida Nuestra Señora de la Victoria, 8
22.700 - Jaca
Huesca - Espainia

+34 974 36 31 00
info_opcc@ctp.org

Harremanetan jarri