Herritarren zientzia - Phenoclim

Phénoclim programa zientifikoa eta pedagogikoa da, eta klimaren aldaketak mendietako faunan eta landaretzan duen eragina baloratzen laguntzera gonbidatzen du jende guztia. CREA Mont-Blanc (Centre de Recherches sur les Écosystèmes d 'Altitude) ekimenak Alpeetan 2014an hasi zuen programa bi diziplina zientifikotan oinarritzen da: FENOlogia eta KLIMAtologia, naturaren erritmoak agerian uzteko. Mendikate ezberdinetan bildutako datuek, urteko urtaro bakoitzean ekosistemen funtzionamendua hobeto ulertzeko aukera ematen diete ikertzaileei, horrela, klimaren aldaketek ingurumenean duten eragina aztertu ahal izateko.

Pirinioetan, Phénolcim CREA Mont-Blanc -ek eta  Réseau Education Pyrénées Vivantes-ek (Pirinioak Bizirik Hezkuntza Sarea) elkarrekin animatzen dute, Ligue pour la protection des oiseaux-ek (Hegaztiak Babesteko Liga) koordinatuta,  Conservatoire botanique national des Pyrénées et de Midi-Pyrénées (Pirinioetako eta Midi-Pyrénées-etako Kontserbatorio Botaniko Nazionala) buru duen FLORAPYR programaren esparruan, eta Pirinioetako Lan Komunitatearen gidaritzapean dagoen OPCC2 proiektuaren bitartez.

Fenologia

Azterketa fenologikoetan, izaki bizidunetan gertatzen diren urtaroen araberako gertaerak ebaluatzen dira. Phénoclim programaren esparruan, behatzaileek zenbait landare-espezieren bilakaera fenologikoaren jarraipen arretatsua egiten dute (kimualdien irekiera, loratze eta hostoen kolore aldaketa data) urtaroetan zehar.

Pirinioetako mendietan ohikoak diren 13 zuhaitz eta landare espezie proposatu dira jarraipena egiteko:

Espezieen behaketa-fitxak kontsultatzea

Nola hartu parte Phénoclim Pirinioetan?

Gure inguruan dauden zuhaitzak eta jarraipen-programan sartutako gainerako landareak erraz beha daitezke, baldin eta egoera fenologiko garrantzitsuak bereizten dituzten xehetasunei erreparatzen bazaie.

Landaretza behatzeko prozesuan parte hartzeko, etapa batzuk jarraitu behar dira:

Hasteko, zehatz-mehatz hautatu eta deskribatu beharko dugu aukeratutako behaketa-eremu zehatza (zuen lorategia, zuen etxetik gertu dagoen baso bat…), gutxienez ekimen horren testuinguruan aztertutako 13 landare espezieetatik hiru landare edo zuhaitz dituena. Urtaroetan zehar ezagutuko ditugula ziur egoteko aukeratu diren aleak markatu ondoren, nahikoa izango da Phénoclimen webgunean behaketa-eremuari buruzko informazio eremuak (altitudea, esposizioa, etab.) eta hautatutako espezieak sartzea.

Udaberrian eta udazkenean, jarraipena egiteko, astean behin aukeratutako lekura joan beharko duzue, bilakaera behatzeko eta protokoloan deskribatutako bilakaera fenologikoko egoerak (ernalketa, loraketa, hostoen garapena) zein egunetan ikusi dituzuen jasotzeko. Jarraipen-protokoloko argazkiek eta Informazio gehigarriak jarraipena behar bezala egiten lagunduko dizuete.

Kontsultatu hemen landareen jarraipenerako protokoloa

Oharrak errazago bidaltzeko, Phénoclim aplikazioa deskargatzera gonbidatzen zaituztegu. Aplikazio horri esker, datuak denbora errealean bidaliko dizkiegu programako teknikariei, balioztatzeko eta, ondoren, bistaratzeko tresnan sartzeko.

Phenoclim-eko espazio pertsonala, kontaktuak eta dokumentazioa

Atal hau garatzen ari da gaur egun.

Informazio gehiago hemen: https://phenoclim.org/accueil/observations-phenoclim/