2018ko maiatzaren 29an, OPCC2 proiektuaren testuinguruan, “Klimaren aldaketa: nekazaritzarako aukera berriak?” tailerra antolatu zuen OPCCk Andorrako Gobernuarekin batera.

Silvia Calvó Andorrako Gobernuko Ingurumen, Nekazaritza eta Iraunkortasuneko ministroak inauguratu zuen tailerra, eta agerian utzi zuen klimaren aldaketaren ondorioek, tenperatura-aldaketek eta prezipitazioek, baita muturreko gertaera klimatikoen gorakadak ere, ondorioak izango dituztela hainbat eremutan, eta, jakina, baita nekazaritzan eta abeltzaintzan ere.

Tailerrean, Klimaren Aldaketaren Behatokiko koordinatzaileek laster argitaratuko den Pirinioetako klimaren aldaketari buruzko txostenaren nekazaritzari eta nekazaritza-artzaintzari buruzko kapituluaren aurrerapenak aurkeztu zituzten. Jardunaldian Landry Riba Andorrako Gobernuko Nekazaritza Saileko zuzendariak ere hartu zuen parte, eta Andorran nekazaritzaren eta abeltzaintzaren sektorea klimaren aldaketara egokitzeari buruz hitz egin zuen.

Elurraren eta Mendiaren Ikerketarako Zentroak larreei eta klimaren aldaketari buruz hitz egin zuen Andorran. Andorrako Nekazarien eta Abeltzainen Elkarteak, energia trantsizioaren testuinguruko urteko memoria eta sektorearen azterketa aurkeztu zituen, eta, azkenik, goi-mendiko inguruneetako nekazaritza-sektorearen dibertsifikazio-esperientziei buruzko mahai-ingurua egin zen, IRTA eta COPYC erakundeen parte-hartzearekin.

Aurkezpen guztiak hemen deskarga daitezke.