CTP, OPCCren sailaren bidez, Horizonte 2020 programako PHUSICOS proiektuaren bazkide onuraduna da. OPCC Oslora joan da klimaren aldaketari buruzko proiektu horren lehen bileran parte hartzeko.

PHUSICOSEN helburu nagusia, 'According to Nature' izenekoa, muturreko fenomeno meteorologikoen arriskua murrizteko naturan oinarritutako soluzioak teknikoki bideragarriak, errentagarriak eta eskualde mailan aplikagarriak direla frogatzea da, landa-eremu menditsuetan batez ere. PHUSICOSek erakusten du NBS izenekoek areagotu egiten dutela tokiko komunitateen erresilientzia ekologikoa, soziala eta ekonomikoa. Naturan oinarritutako eta inspiratutako soluzioak azpiegitura berdeetatik eta urdinetatik haratago doaz; soluzio horien barruan sartzen dira kudeaketa iraunkorra eta lurzoruaren, uraren eta baliabide naturalen erabilera arduratsua.