Lehen Koordinazio Batzordea OPCC ADAPYR

Hemen zaude

Lehen Koordinazio Batzordea OPCC ADAPYR

  • 09 May

Bazkideak Koordinatzeko Batzordea 2020ko martxoaren 20an bildu zen lehen aldiz, eta, kasu honetan, birtualki: horrek OPCC ADAPYR proiektuaren hasiera ziurtatzen du. Europan COVID-19aren ondoriozko alarma-egoerak antolamendu-arazoak sortu baditu ere, pertsona ugarik (20) parte hartu dute erakunde bazkideen ordezkari gisa.

Landutako gaiek proiektuaren abiarazte sendoa bermatzea zuten helburu, bereziki bi alderdi azpimarratuz: alde batetik, proiektuaren finantza- eta administrazio-kudeaketako sistema eta funtzionamendurako oinarrizko arauak; eta, bestetik, barne-lanaren antolamendua, erakunde bazkideen arteko lotura, koordinazioa eta lankidetza bermatzeko.

Helburu horrekin, hirugarren deialdiaren erakunde onuradunentzako POCTEFA Mintegiaren (20/03/12) ondorio nagusiak partekatu ziren, eta zalantzak argitu ziren Idazkaritza Bateratuaren parte-hartzeari esker. Halaber, lan garrantzitsua egin zen Behaketako 3. ekintzari eta Kapitalizazioko 4. ekintzari dagokienez, baita lehentasunezko ekintzak identifikatzeari dagokionez ere. Gainera, datorren ekainerako aurreikusitako ADAPYR Abiarazte Mintegia lantzen hasi ziren.

Lehen bilera horretan 14 ondorio operatibo ezarri ziren, eta horiek datozen hilabeteetako exekuzioa markatu eta dinamizatuko dute.

KLIMAREN ALDAKETAREN PIRINIOETAKO BEHATOKIA

Avenida Nuestra Señora de la Victoria, 8
22.700 - Jaca
Huesca - Espainia

+34 974 36 31 00
info_opcc@ctp.org

Harremanetan jarri