Kataluniako Requesens-en sute-arriskua prebenitzeko baso-kudeaketa (Life MIDMACC)
Aztertutako kasuaren deskribapena
Abeltzaintza estentsiboan, baso-kudeaketa moldagarrian eta mahastizaintzan klima-aldaketara egokitzeko neurriak abiaraztea sustatzen du Life MIDMACC proiektuak. Errioxako, Aragoiko eta Kataluniako erdi-mailako mendiko eremuetan garatzen da, paisaia kudeatzeko hainbat neurri inplementatuz eta horien jarraipena eginez. Neurri horiek, aldi berean, eremu horien garapen sozioekonomikoa hobetu behar dute, eta emaitzak Europako hegoaldeko beste eskualde menditsu batzuetara transferitzeko gaitasuna erraztu.
Katalunian, esperientzia pilotu hori Alberako Interes Nazionaleko Paraje Naturaleko artadi batean egiten ari dira, Requesenseko finkan, Jonqueran (Girona). Zenbait arrazoi direla medio aukeratu da kokapen hori: artadia Mediterraneo kostaldeko erdi-mailako mendiko espezie adierazgarrienetako bat da; zona hori oso kaltebera da sute-arriskuarekiko, eta 2012ko Alt Empordako sutean erretzeko zorian egon zen –ez zen erre haize-aldaketa bati esker–; azken 50 urteetan ia ez da baso-kudeaketarik egin; eta iristeko erraza da lekua eta interesa eta joateko aukerak eskaintzen ditu.
Hektarea bateko artadi batean egindako kudeaketa da, Basoak Kudeatzeko eta Hobetzeko Plan Teknikoak idazteko Eskuliburuaren (PTGMF) irizpideei jarraituz:
» Arteen dentsitatea gutxitu da, eta edukieraren zati estalia % 50 ireki da.
» Oihanpea moztu da eta ebaketa-hondarrak ezabatu dira.
» Artadiaren eremuan ausaz erein da hazi-nahasketa bat, larrea berreskuratzeko aukera egon dadin.
Gainera, 3 hektareako larre-zelai zahar bat berreskuratu da: sastraka eta zuhaitz batzuk kendu dira; terrazak berreskuratu eta lurra azalean goldatu da; eta daktiloz, llollobelar ingelesez, llollobelar italiarrez, hirusta zuriz eta festuca altuz osatutako nahasketa bat erein da –zuzeneko ereintza mekanizatua–.
» Berreskuratu egin da 2 hektareako terraza-eremu bat, lehentasunezko jarduketa-eremuaren barruko KPE batean.
» Basoek klima-aldaketarekiko duten kalteberatasuna gutxitzea, sute-arriskua eta basoetako estres hidrikoa murriztuz eta zuraren ekoizpena/karbono-bahiketa handituz.
» Nekazaritzako eta abeltzaintzako jardueraren garapen sozioekonomikoa hobetzea, haren jasangarritasuna errazteko.
Maneiuaren praktika, batez ere, soilketa selektiboan eta sastraken garbiketan oinarritu da. Tratamenduaren ondorioz, aireko estaldura % 60 gutxitu zen, eremu basala % 62 gutxitu zen eta dentsitatea (hektarea bakoitzeko zuhaitz-kopurua) % 66 gutxitu zen. Ondorioz, basoko dosela gehiago ireki zen, larreen ekoizpena eta birsorkuntza sustatzeko.
Abeltzaintzako azpiegituraren hobekuntza bultzatu da, antzinako bi larre-zelai berreskuratuz –2,47 eta 0,97 hektarea dituzte, hurrenez hurren–.
Klimaren aldaketara egokitzeko neurri gisa garatutako eta inplementatutako eta modu partzialean finantzatutako kasua.
CREAF, CTP, IPE-CSIC, IRTA, OCCC, UAB, Zaragozako Unibertsitatea, Errioxako Unibertsitatea
Additional Information
Eragile interesdunen parte-hartzea, 3 erregio-batzorde eratzetik abiatuta. Batzorde bat eratuko da aztertuko den lurralde bakoitzerako (Katalunia, Aragoi eta Errioxa) eta urtean behin eginen zaie kontsulta eta helaraziko zaie informazioa. Era berean, erregioaz gaindiko batzorde bat eratuko da, non 3 lurraldeek batera parte hartuko baitute
Oraingoz ez dago bibliografian adierazitako arrakasta- eta porrot-faktorerik
Neurriak ez du barne hartzen irabaziekin alderatutako kostuen balorazio kuantitatiborik
Ekintza hau LIFE Climate Change Adaptation programaren barruan dago
07/01/2019 - 6/30/2024 (5 urte - Gauzatze-fasean)
Reference information
KLIMAREN ALDAKETAREN PIRINIOETAKO BEHATOKIA
Avenida Nuestra Señora de la Victoria, 8
22.700 - Jaca
Huesca - Espainia
+34 974 36 31 00
info_opcc@ctp.org