Taula del Ter

Gaikako sektoreak:

Baliabide hidrikoak

EBko politika sektoreak:

Baliabide hidrikoen kudeaketa

Ezaugarritze geografikoa - Eskualde biogeografikoa:

Mediterraneoa

Proiektuaren iraupena:

1/1/2018 - 1/31/2028

Egokitzeko ekimenaren tipologia:

Green edo ekosistema-zerbitzuetan oinarritutakoak

Klimaren eragin mota:

Urritasun hidrikoa

Lehorteak

Muturreko tenperaturak

Aztertutako kasuaren deskribapena

Kataluniako Generalitatearen, Bartzelonako Metropoli Eremuaren eta tokiko erakundeen, uraren erabiltzaileen eta Baix Terreko lurralde-erakundeen artean «Taula del Ter» («Terreko Mahaia») eratzean, zenbait jarduketa adostu ziren 2018-2028 aldirako, Ter ibaiko ur-desbideratzeak gutxitzeko; izan ere, 1966tik Bartzelonako metropoli-eskualdeko (RMB) ur-hornidura asetzeko hartu izan da ibai horretako ura. Jarduketa horiek 3 denbora-fasetan dira egitekoak, eta helburua da 2028. urtean, gehienez ere, urtean 90 hm³ ur hartzea ibai horretatik. Terreko Mahaiaren erabakiak bete dira, eta, horri esker, 2020. urtean Ter ibaitik Bartzelonako metropoli-eskualdera eramandako ur kantitatea (129 hm³) gutxieneko historikoa izan da. Era berean, Ter ibaiak, urtegien azpitik, 2000/60/EE Urei buruzko Zuzentarauaren araberako eta Kataluniako Uraren Agentziak ezarritako emari ekologikoen mailak betetzen ditu, eta, horrela, ibaiaren ur-ekosistemak hobetzen laguntzen da.

Erronkak:

Batezbesteko historikoa urtean 180 hm³ ingurukoa izan dela kontuan hartuta, ekarpen horiek % 50era murriztea da helburua. Helburu hori lortzeko, beharrezkoa da Bartzelonako metropoli-eskualderen eskaria modu efizientean kudeatzea, banaketa-sareak hobetzea eta birsortutako ura berrerabiltzea eta Bartzelonako metropoli-eskualdearen eremuan gatzgabetzeko plantak martxan jartzea. Jarduera horiek 2022-2027 aldirako Kataluniako Ibai Arroen Barrutia Kudeatzeko Planean daude jasota.

Helburuak:

» Ter ibaiaren arroak Bartzelonako metropoli-eskualdeari egiten dion ur-ekarpena % 50 murriztea.
» Emari ekologikoak ezartzea arroan.
» Arroko ur-ekosistemak, azaleko ur-masen egoera ekologikoa eta lurpeko ur-masen egoera kimikoa hobetzea.

Soluzioak:

2020an, Bartzelonara bideratutako Ter ibaiaren ur-bolumena 129 hm³/urte izan zen, hasierako aurreikuspena 136 hm³/urte zenean. Historikoki ezagutzen den kantitaterik txikiena da hori; izan ere, aurrekoa 2018koa da (135 hm³). 2019an, bideratutako bolumena 140 hm³/urte izan zen; beraz, aurreko urtearekin alderatuta, 2020an 11 hm³gutxitu zen.

Prentsa-oharra: «Terreko Mahaiaren erabakiak betetzeari esker, 2020. urtean Terretik Bartzelonako metropoli-eskualdera eramandako ur-bolumenaren erregistroa (129 hm³) gutxieneko historikoa izan da»

Egokitzapenaren garrantzia:

Kasu hori batez ere beste politika batzuen helburuen bidez garatu eta inplementatu da, egokitzapenekoak ez diren arren klimaren aldaketara egokitzearekin erlazionaturik dauden alderdi esanguratsuekin

Hitz-gakoak:

kalteberatasuna

hiri-hornidura

mantentze-emariak

Esku hartzen duten eskualdeak edo/eta hiriak:

Katalunia

Esku hartzen duten herrialdeak:

Espainia

Gobernantzaren maila-geografikoa:

Lurraldekoa

Parte hartzen duten erakundeak:

Kataluniako Generalitatea, Bartzelonako metropoli-eskualdea eta toki-erakundeak, uraren erabiltzaileak eta Baix Ter eskualdeko lurralde-erakundeak

Additional Information

Interesa duten eragileen parte-hartzea:

Bai administrazioak (Generalitatea, Bartzelonako metropoli-eremua, Ter ibaiaren arroko udalak), bai ur-erabiltzaileak eta erakunde zibilak aldizka biltzen dira jarduketen bilakaeraren eta ibaitik bideratutako ur-bolumenen berri emateko.

Arrakasta-faktoreak eta faktore mugatzaileak:

Arrakasta-faktorea Generalitateak akordioa betetzearen mende dago soil-soilik, eta hori, aldi berean, honen mende dago: Terreko Mahaiaren erabakian finkatutako helburuak lortzeko jarduketak gauzatzeko behar den finantza-eskuragarritasuna izatea. Oraingoz, finantza-eskuragarritasun hori ziurtatuta dago.

Kostuen eta mozkinen balorazioa:

Ez dago eginda, baina etekinen estimazio bat egin beharko litzateke.

Alderdi legalak:

» Kataluniako Ibai Arroen Barrutiko Neurrien Programa eta Kudeaketa Plana 2022-2027
» 16/2017 Legea, abuztuaren 1ekoa, Kataluniako klima-aldaketari buruzkoa

Erreferentziazko informazioa:

1/1/2018 - 1/31/2028 (10 urte - Gauzatze-fasean)