RCdiGREEN Eraikuntza- eta eraispen-hondakinen (EEH) ekonomia zirkularra klima-aldaketara egokitzeko estrategia gisa
Aztertutako kasuaren deskribapena
Nafarroan eta Pirinio Atlantikoetan, eraikuntza- eta eraispen-hondakinen balioa indartzea administrazioaren eta eraikuntza-industriaren helburu estrategiko bihurtu da, eragin zuzena baitu ekonomia jasangarri batean.
Lehengaien gabeziak, zabortegi berriak irekitzeko arazoek, erauzketa-industriarako ustiategietarako araudi zorrotzak eta eraikinak birgaitzeko apustu estrategikoak (premia sozial eta energetiko berrien ondoriozko eskakizunetara egokitzeko) eragin dute eraikuntza- eta eraispen-hondakinen berreskurapena jarduketa askotarako –degradatutako espazioak berreskuratzea helburu dutenak barne– lehengaiaren arazoaren konponbide gisa ikustea. Eraikuntzaren industria da materialen kontsumitzaile eta hondakinen sortzaile nagusia (% 90 baino gehiago geldoak dira).
1. ekintza. Eraikuntza- eta eraispen-hondakinen erabilerari eta aplikazio praktikoari buruzko azterlanak eta inbentarioak garatzea eta eskakizunak identifikatzea.
2. ekintza. Eraikuntza- eta eraispen-hondakinen balorizazioaren eta horien erabileraren inguruko estrategia bat diseinatzea eta garatzea. Klima-aldaketara egokitzeko metodologiak inplementatzeko metodologiak aplikatzea, zirkulartasun-irizpideen arabera.
3. ekintza. Diseinatutako estrategien aplikazio praktikoa eta bilakaera.
4. ekintza. Ondorioak, ezagutzaren transferentzia eta denboran irautea
Helburu orokorra: eraikuntza- eta eraispen-hondakinen balorizazio-estrategia jasangarri bat ezartzea, klima-aldaketaren ondorioak arintzeko egiten duten ekarpena kontuan hartuta.
Berariazko helburuak:
» Eraikuntzako ekonomia zirkularrarekin lotutako neurriak garatzea, eraikuntza- eta eraispen-hondakinak erabiliz klima-aldaketara egokitzean oinarrituta.
» Eraikuntza- eta eraispen-hondakinak balorizatzea eta erabiltzea eraikuntzan.
» Mugaz gaindiko eremuetan eraikuntza- eta eraispen-hondakinen erabilerarekin lotutako ingurumen-onurak praktikan aplikatzea eta ebaluatzea, klima-aldaketari eta arriskuen kudeaketari buruzko neurri berriak kontuan hartuta.
Eraikuntza- eta eraispen-hondakinen kudeaketa efizientea txertatzeko mugaz gaindiko estrategia bat ezartzea, non ekonomia zirkularra izanen baita giltzarria klima-aldaketara egokitzeko. Abiapuntu erreal bat izatea planteatzen da, azaldutako guztia kontuan hartuta estrategia bat diseinatzeko, eta hura baliozkotzeko esperientzia pilotuak garatuko dira.
Nafarroako eta Akitaniako mugaz gaindiko eremua hartuta erreferentziazko espazio gisa, proiektua garatu bitartean honako ekintza eta txosten hauek egitea ezarri da:
» Lan-mahaiak.
» Dibulgazio-jardunaldiak.
» Eraikuntza- eta eraispen-hondakinen erabilerari eta aplikazio praktikoari buruzko azterlanak eta inbentarioak garatzea eta eskakizunak identifikatzea.
» Eraikuntza- eta eraispen-hondakinen balorizazioaren eta horien erabileraren inguruko estrategia bat diseinatzea eta garatzea.
» Diseinatutako estrategien aplikazio praktikoa eta bilakaera.
» Ezagutza transferitzea hitzarmen, jardunaldi eta abarren bidez.
Klimaren aldaketara egokitzeko neurri gisa garatutako eta inplementatutako eta modu partzialean finantzatutako kasua.
Communauté de communes de Haut Béarn, NOBATEK INEF4 (Frantzia), Nafarroako Eraikuntzaren Lan Fundazioa, Nafarroako Ingurumen Kudeaketa SA (GAN-NIK) eta Recuperación Ambiental SL (Espainia). Bazkideak: Nafarroako Gobernua, Valor Béarn eta TECNALIA.
Additional Information
Proiektuan zehar, eraikuntza- eta eraispen-hondakinen balio-kateko eragile guztiak inplikatzea lortu nahi da, kudeaketan dauden arazoak hautemateko eta arazo horiek arintzeko estrategiak bilatzeko. Landa Garapeneko eta Ingurumeneko Departamentuak lankidetzan dihardu proiektuan zehar; lan-mahaiak eta dibulgazio-jardunaldiak egiten dira, eta horietan parte hartzera gonbidatzen dira kudeatzaileak, eraikuntza-enpresen elkarteak, toki-erakundeen elkarteak, unibertsitatea, Nafarroako Gobernuko beste departamentu batzuk, Frantziako zenbait elkarte –hala nola Syndic Valor Béarn, Cearn– eta abar. Lan-mahai horien emaitzak bazkideekin bateratzen dira, mugaren bi aldeetan konponbideak bilatzen saiatzeko.
Proiektuaren arrakastaren gako bat da erabat integratzen dela bi lurraldeetako estrategietan klima-aldaketara egokitzeari, ekonomia zirkularrari eta karbono-aztarna kalkulatzeari dagokienez. Horrez gain, programa amaitu ondoren, proiektuko bazkideek hitzarmen bat sinatuko dute estrategia garatzen jarraitzeko.
Hala ere, mugaren bi aldeetan antzeko faktore mugatzaileak daude, estrategien garapena moteltzen dutenak:
1. Lurralde-garapena ez da bidezkoa, biztanle gutxien dituzten eremuak baitira kudeaketa-arazo handienak dituztenak eta neurrira egindako estrategia bat behar dutenak.
2. Balio-katean inplikatutako eragile kopuru handiak zaildu egiten du proiektuaren hedapena denengana modu berean iristea.
3. Eraikuntzaren sektorea, oro har, mesfidatia da aldaketei dagokienez, eta, beraz, aldaketa horiek sartzea garestia eta motela izan ohi da.
Proiektuaren aurrekontua, guztira: 1.045.000,43 €. GAN-NIKen aurrekontua 283.944,77 €-koa da, eta FEDER funtsak % 65 finantzatzen du.
Espainia-Frantzia-Andorra INTERREG V 2014-2020 Programaren barruan (POCTEFA), haren hirugarren deialdiaren esparruan
10/01/2019 - 5/31/2022 (3 urte - Gauzatze-fasean)
Reference information
KLIMAREN ALDAKETAREN PIRINIOETAKO BEHATOKIA
Avenida Nuestra Señora de la Victoria, 8
22.700 - Jaca
Huesca - Espainia
+34 974 36 31 00
info_opcc@ctp.org