Pirinioetako basoen historian aldaketa ez da salbuespena izan, baizik eta araua gehienbat, baina inoiz ez dira egungo abiaduran gertatu, eta gizakia ez da hain kontziente izan. Horregatik guztiagatik, aitorpen zabala du etorkizuneko basoak garatuko diren giro klimatiko, biologiko eta sozialaren inguruko ziurgabetasun gero eta handiagoak, eta, zehazki, Pirinioetako mendigunearen lurraldean, gai horiek beti posizio marjinala hartzen dute.
Klima-aldaketak zaildu egin dezake basoen askotariko funtzioa, eta, bereziki, espezie edo habitat nabarmenak hil eta suntsi ditzake. CANOPEE proiektuaren ekintzetako batek klima-aldaketaren agertoki ugarik Pirinioetako baso-espezie nagusien gainean egin beharreko zaintzan duten inpaktua ebaluatu nahi du, ahal den neurrian. 
Era berean, egoera bakoitzera egokitutako basogintza diseinatuz, CANOPEEk proposatzen du masen jasangarritasuna sustatzea, edo, halakorik ezean, haien bilakaera ez traumatikoa gauzatzea, kondizio berriekiko erresistenteagoak eta erresilienteagoak diren baso-eraketa berriak helburutzat hartuta, eta gizarteari ondasunak eta zerbitzuak ematen jarraitzea kondizio berri horietan.