Nazioarteko komunitate zientifikoak mendi eremuek klimaren aldaketaren eraginen aurrean duten urrakortasun eta sentsibilitate berezia azpimarratu du. 2010ean sortu zen Klimaren Aldaketaren Pirinioetako Behatokia (OPCC), Pirinioetako Lan Elkarteak (CTP) sustatuta, mugaz gaindiko ekimen gisa, hura osatzen duten 7 lurraldeei laguntzeko, klimaren aldaketaren erronkei aurre egiteko.

 

Haren eginkizuna Pirinioetako mendigunean klimaren aldaketari eta egokitzapenari buruzko erreferentziazko plataforma izatea da, lankidetzarako, gardentasunerako eta informazio-trukerako politikaren bitartez.

Klimaren Aldaketaren Pirinioetako Behatokiaren helburu nagusia Pirinioetako klimaren bilakaerak jarraitzea eta ulertzea da, klimaren eraginak mugatzeko eta haren eraginetara egokitzeko, sektore sozioekonomikoei eta naturako gune ahulenei zuzendutako egokitzapen-estrategiak zehaztuz.

Ikuspegi orokorrago batetik, ekimen honen bidez Pirinioen ikusgartasuna areagotu nahi da, Europan eta nazioartean, klimaren aldaketaren behaketaren eta egokitzapenaren eremuetan, eta Behatokia txertatu nahi da OPCCk aztertutako gaiekin lotutako Europako sareetan.